Makroiqtisodiy va hududiy tadqiqotlar instituti ma’lumotlariga ko‘ra, Toshkentda 2024-yilning oktyabr oyida uy-joy ijarasi narxlarining o‘sishi sekinlashgan.

Xususan, yakunlangan oyda o‘rtacha ta’mirlangan uy-joylar ijarasida narxlar 1,3 foizga ko‘tarilgan (sentyabr oyida o‘sish 2,8 foizni tashkil etgan) bo‘lsa, to‘liq ta’mirlangan uylar uchun ijara narxi 0,2 foizga qimmatlashgan (sentyabr oyida o‘sish 1,4 foiz edi).

Poytaxt bo‘yicha o‘rtacha ta’mirlangan uylar ijarasi uchun eng arzon narxlar Sergeli va Yashnobod tumanlarida taklif qilinmoqda. Jumladan:

1) Sergeli tumanida:

• 1 xonali uylar – $285;
• 2 xonali uylar – $359;
• 3 xonali uylar – $388;
• 4 xonali uylar – $432.

2) Yashnobod tumanida: 

• 1 xonali uylar – $300;
• 2 xonali uylar – $384;
• 3 xonali uylar – $418;
• 4 xonali uylar – $545.

O‘z navbatida, o‘rtacha ta’mirlangan uylar ijarasi uchun eng qimmat narxlar Mirobod va Yakkasaroy tumanlarida qayd etilgan. Jumladan:

1) Mirobod tumanida: 

• 1 xonali uylar – $344;
• 2 xonali uylar – $529;
• 3 xonali uylar – $666;
• 4 xonali uylar – $863.

2) Yakkasaroy tumanida: 

• 1 xonali uylar – $364;
• 2 xonali uylar – $499;
• 3 xonali uylar – $683;
• 4 xonali uylar – $700.

To‘liq ta’mirlangan uylar uchun eng arzon ijara narxlari Sergeli va Uchtepa tumanlarida, eng qimmati esa Mirobod va Shayxontohur tumanlarida qayd etilgan.

Mavzuga doir: Toshkentda ijara uylarning o‘rtacha narxi (2024-yil sentyabr)