Nodavlat ta’lim muassasalari uchun soliq imtiyozlari muddati yana 5 yilga uzaytiriladi
2025-yil 1-yanvargacha berilgan soliq imtiyozlari muddati 2030-yilning 1-yanvarigacha uzaytiriladi. Xususiy bolalar bog‘chasi va maktablar barcha soliq va yig‘imlardan ozod qilinadi, shuningdek, xorijiy o‘qituvchilar va mutaxassislar daromad solig‘i hamda ijtimoiy soliqdan ozod etiladi.
Nodavlat ta’lim muassasalari uchun 2025-yil 1-yanvarga qadar berilgan soliq imtiyozlari muddati yana 5 yilga uzaytirilishi belgilandi. Shu sababli, 2030-yil 1-yanvariga qadar xususiy bolalar bog‘chalari va maktablar barcha soliq va yig‘imlardan ozod qilinadi, faqat ijtimoiy soliq to‘lovlari bundan mustasno bo‘ladi.
Shuningdek, xususiy bog‘cha va maktablarda faoliyat yuritayotgan xorijiy o‘qituvchilar va mutaxassislar ham jismoniy shaxslardan olinadigan daromad solig‘i va ijtimoiy soliqdan ozod qilinadi. Ushbu o‘zgarishlar Soliq kodeksiga kiritilgan tegishli o‘zgartirishlar kuchga kirganidan so‘ng amaliyotga joriy etiladi.
2023-yilning 9 oyi davomida 679 ta xususiy ta’lim muassasasi 113,5 mlrd so‘mlik soliq imtiyozlaridan foydalangan. Bu yangi tartib, ta’lim sohasidagi xususiy sektorni yanada rivojlantirishga qaratilgan.
