Toshkentda 2025-yildan boshlab avtobuslarda naqd pul bilan to‘lovlar to‘xtatiladi
2025-yil 1-yanvardan boshlab Toshkent shahridagi barcha avtobuslarda yo‘l haqini naqd pulda to‘lash amaliyoti bekor etiladi. Bundan buyon yo‘lovchilar avtobusga chiqishdan avval yo‘l haqini elektron to‘lov tizimlari yoki avtobus bekatlaridagi to‘lov qurilmalari orqali to‘lashlari lozim bo‘ladi. Naqd pulda to‘lashni afzal ko‘ruvchilar uchun esa bir martalik chipta xarid qilish imkoniyati saqlanib qoladi.
2025-yil 1-yanvardan Toshkent shahridagi barcha avtobuslarda yo‘l haqini naqd pulda to‘lash amaliyoti bekor qilinadi. Bu haqda «Toshshahartransxizmat» matbuot xizmati ma’lum qildi.
Naqd pul orqali avtobusda yurmoqchi bo‘lgan yo‘lovchilar Toshkentdagi avtobus bekatlarida yoki ularga yaqin joylashgan to‘lov qurilmalari (Paynet, MultiPay, Oson infokioskalari) orqali bir martalik chipta xarid qilishlari mumkin.
Yo‘l haqini eng tez va qulay usulda to‘lash uchun elektron to‘lov tizimlaridan (bank kartalari, mobil ilovalar va boshqa raqamli to‘lov xizmatlari) foydalanish tavsiya etiladi.
Har bir avtobusga chipta o‘qish uchun maxsus qurilmalar o‘rnatiladi, bu esa yo‘lovchilarga xavfsiz va tezkor to‘lovlarni amalga oshirish imkonini beradi.
Poytaxtda avtobus qatnovlarida to‘lov tizimi ham yangilanmoqda. Bundan buyon, cheklangan tariflar joriy etiladi:
– Elektron to‘lovlar: 1 700 so‘mni tashkil etadi.
– Naqd pulda to‘lov: 3 000 so‘m bo‘lishi kutilmoqda.
Shuningdek, oylik va kunlik qatnovlarga mo‘ljallangan ko‘p martalik tariflar ham ishlab chiqilmoqda. Bu, avvalo, avtobuslar bilan muntazam qatnov qiladigan yo‘lovchilar uchun yanada qulayroq bo‘ladi.
Eslatib o’tamiz,avvalroq avtobus yo‘lagida qoida buzganlar uchun jarimalar ham joriy etilishi haqida xabar berilgandi. Agar bu birinchi marta sodir bo‘lsa, u 1,12 million so‘m miqdorida jarimaga tortilishi mumkin. Agar bu harakat yil davomida takrorlansa, jarima miqdori 1,87 million so‘mga oshadi.
