2025-yil 6-yanvar holatiga ko‘ra, O‘zbekistonning ayrim tijorat banklarida AQSH dollarining sotuv kursi 13 000 so‘m va undan yuqori belgilangan. Markaziy bank tomonidan 6-yanvar uchun 1 AQSH dollarining rasmiy kursi 12 942,01 so‘m etib belgilangan bo‘lsa-da, tijorat banklarida kurs o‘zgarish ko‘rsatmoqda.

Hozirda Infinbank, OFB, Tenge Bank, Hamkorbank kabi banklarda 1 AQSH dollari 13 000 so‘mdan sotilmoqda, KDB Bank Uzbekistan esa dollarni 13 005 so‘mdan taklif etmoqda. Boshqa banklarda, jumladan, «Xalq Banki», «Anor Bank» va «Aloqa Bank»da dollarning sotuv kursi eng past bo‘lib, 12 945 so‘mni tashkil etmoqda.

O‘zbekiston Markaziy banki tomonidan belgilangan rasmiy AQSH dollari kursi 2024-yilda 4,71 foizga devalvatsiya qilindi. Bu ko‘rsatkich 2023-yilga nisbatan past bo‘lsa-da (9,92 foiz), biroq 2022-yilga qaraganda yuqori (3,58 foiz).

Iqtisodiyot va moliya vazirligi prognozlariga ko‘ra, 2025-yilda AQSH dollarining o‘rtacha kursi 13 250 so‘m atrofida bo‘lishi kutilmoqda.