2025-yil 14 – yanvar holatiga ko’ra O‘zbekiston bo‘ylab ayrim tijorat banklarida 1 AQSh dollari 13 035 so‘mga sotilmoqda. Bu dollar kursining rekord darajaga ko‘tarilganini anglatadi. Biroq, banklar o‘rtasidagi kurslar orasidagi farqlar saqlanib qolmoqda. Hozirda dollar kursi eng yuqori bo‘lgan banklar qatoriga Infinbank va KDB Bank O‘zbekiston kiradi. Bu banklarda 1 dollarning sotish narxi 13 035 so‘mni tashkil etgan.

Aynan Infinbank va KDB Bank O‘zbekiston banklarida 1 dollarning sotish kursi 13 035 so‘mga yetib, bu hozircha eng yuqori narx hisoblanadi. Shuningdek, O‘zsanoatqurilishbank (13 015 so‘m), Universal Bank (13 030 so‘m), Orient Finans Bank (13 030 so‘m) va Hamkorbank (13 030 so‘m) kabi banklar dollarni 13 030 so‘m atrofida sotishmoqda.

Bundan tashqari, Garant Bank va Ipak Yo‘li Bankida dollar kursi 13 010 so‘mni tashkil etmoqda. Octobank, BRB va Turon Bank esa dollarni 13 000 so‘mga sotayotgan bo‘lsa, Agrobank va Asia Alliance Bankda 1 dollar 12 995 so‘mga sotilmoqda. Bu kurs esa boshqa banklarga nisbatan biroz pastroqdir.

Eng past narx Xalq Bankida kuzatilib, u yerda 1 dollar 12 960 so‘mni tashkil etadi. Undan keyin esa Anorbank (12 975 so‘m) va Kapitalbank (12 980 so‘m)o‘rin olgan.

Umuman olganda, dollar kursi banklar o‘rtasida 12 960 so‘mdan 13 035 so‘mgacha bo‘lgan oraliqda sotilmoqda. Bu farq esa fuqarolar va korxonalarga dollarni eng maqbul narxda sotib olish yoki sotish imkoniyatini yaratadi.

O‘zbekiston Markaziy banki tomonidan belgilangan rasmiy AQSH dollari kursi 2024-yilda 4,71 foizga devalvatsiya qilindi. Bu ko‘rsatkich 2023-yilga nisbatan past bo‘lsa-da (9,92 foiz), biroq 2022-yilga qaraganda yuqori (3,58 foiz).

Iqtisodiyot va moliya vazirligi prognozlariga ko‘ra, 2025-yilda AQSH dollarining o‘rtacha kursi 13 250 so‘m atrofida bo‘lishi kutilmoqda.