Кешбэк тасдиқланмаганини қандай аниқлаш мумкин?
Солиқ мобил иловасида чекларни рўйхатдан ўтказгандан сўнг, кешбэк кейинги ойнинг 25-санасидан кейин тасдиқланади. 2024 йил 1 январдан харид суммасидан 1% кешбэк олишда ойлик харид суммасига чегаравий миқдор (БҲМнинг 60 бараваригача) ўрнатилган. Бу ҳар ойда 22,5 млн сўмгача харид суммасидан кешбэк 225 000 сўмгача тасдиқланади
Бунинг учун Солиқ (Android /iOS) мобил иловасининг бош саҳифасида «Жараёнда» бўлимига кирилади.
Кейин, керакли ой ва «Ҳисобланган» категорияси танланади. Ушбу категорияда вақтинча кешбэк тасдиқланмаган барча рўйхатдан ўтган чеклар акс этади.
Кешбэк вақтинча тасдиқланмаган чекларга босилганда чек ҳолати, жўнатилган сана ва фискал ID кўрсатилади. «Батафсил» тугмаси орқали чек ҳақида умумий ва қўшимча маълумотларга эга бўлиш мумкин.
«Қўшимча маълумотлар» ойнаси кешбэк тасдиқлашнинг босқичма-босқич тартибини ўз ичига олади.
- яшил белги тасдиқлаш босқич муваффақиятли ўтганлигини билдиради;
- қумсовт белгиси ушбу босқичда хатолар аниқланганини билдиради.
- кешбэкни тасдиқлаш учун қуйидагилар инобатга олинади:
- чекнинг солиқ органлари маълумотлар базасида мавжудлиги;
- чекдаги маълумотларнинг амалдаги қонунчиликка мувофиқлиги;
*тадбиркорлик субъектининг ҳолати, яъни —
- солиқ ҳисоботи тақдим этганлиги;
- ҳисоботлардаги камчиликлар тузатилганлиги;
- солиқ қарзи тўланганлиги.
- кешбэк тўлиқ тасдиқланса яшил рангда акс этади.
«Тасдиқланиш жараёнида» ҳолати, яъни кўк рангдаги қум соат *тадбиркорлик субъекти ҳолатини тузатиш зарурлигини билдиради. Улар бартараф этилиши билан кешбек суммаси тасдиқланади ва уни бириктирилган банк картасига ўтказиш мумкин.
Солиқ мобил иловасида чекларни рўйхатдан ўтказгандан сўнг, кешбек кейинги ойнинг 25-санасидан кейин тасдиқланади.
2024 йил 1 январдан харид суммасидан 1% кешбек олишда ойлик харид суммасига чегаравий миқдор (БҲМнинг 60 бараваригача) ўрнатилган. Бу ҳар ойда 22,5 млн сўмгача харид суммасидан кешбек 225 000 сўмгача тасдиқланади.
