Февраль ойида бирламчи ва иккиламчи автомобил бозорларидаги фаоллик ўртача пасайишни кўрсатди. Шу билан бирга, маҳаллий ишлаб чиқарилган янги енгил автомобиллар савдоси барқарорликни кўрсатди, хорижда ишлаб чиқарилган автомобиллар савдоси эса икки баробардан кўпроққа камайди. Электромобиллар сегментида ой якунлари бўйича фаоллик пасайганига қарамай, ўтган йилга нисбатан ўсиш кузатилди.

Бирламчи автомобил бозоридаги вазият

Ҳозирги шароитда енгил автомобиллар бозорида сотувларнинг умумий пасайиши кузатилмоқда, бу асосан хорижий автомобил сегментидаги фаолликнинг пасайиши билан боғлиқ.

Февраль ойида енгил автомобиллар савдоси ўтган ойга нисбатан 14,5 фоизга камайди ва 67,2 мингта автомобилни ташкил этди.

Ой давомида маҳаллий ишлаб чиқарилган янги автомобиллар сотуви деярли ўзгармаган ва 21,7 минг дона автомобилни ташкил этган бўлса, янги хорижий автомобиллар сегментида сотувлар 2 баробардан ортиқроққа камайди.

Автомобилларнинг иккиламчи бозори

Енгил автомобилларнинг иккиламчи бозоридаги вазият ҳам фаолликнинг пасайиши билан тавсифланади. Февраль ойида сотувлар 43,3 минг дона автомобилни ташкил этиб, жорий йилнинг январига нисбатан 16 фоизга камайган.

Электромобил бозорининг динамикаси

Янги енгил электромобиллар сегменти фаолликнинг пасайишини кўрсатмоқда. Февраль ойида сотувлар 2,9 мингта электромобилни ташкил этди, бу ўтган ойга нисбатан 11 фоизга кам, ўтган йилнинг шу даврига нисбатан эса фаоллик икки баравардан кўпроқ ошди.