Forbes журнали дунёнинг энг бой миллиардерларининг навбатдаги йиллик рейтингини эълон қилди. Рўйхатда биринчи ўринни SpaceX ва Tesla компаниялари раҳбари Илон Маск эгаллади. Forbes журнали Маскнинг бойлигини 342 миллиардга баҳолади. Иккинчи ўринни Meta корпорацияси (Facebook, Instagram ва WhatsApp эгаси) раҳбари Марк Цукерберг эгаллади (216 млрд доллар).

Кучли учликни Amazon асосчиси Жефф Безос ёпди. У кетма-кет уч йилдан бери рейтингда учинчи ўринни эгалламоқда — унинг капитали 215 миллиард долларга баҳоланди.

Дунёнинг энг бадавлат тадбиркорлари ўнталигига Ларри Эллион (192 млрд доллар), Бернар Арно (178 млрд доллар), Уоррен Баффет (154 млрд доллар), Ларри Пейж (144 млрд доллар), Сергей Брин (138 млрд доллар), Амасион Ортега (124 млрд доллар) ҳамда Стив Балмер (118 млрд доллар) киритилди.

UMS Holding компанияси асосчиси, асли келиб чиқиши ўзбекистонлик бўлган россиялик миллиардер Алишер Усмонов эса бу сафар Forbes рейтингига Ўзбекистон вакили сифатида киритилди. Унинг бойлиги 16,7 миллиард долларга баҳоланган бўлиб, рўйхатда 125-ўринни эгаллади.