Ўзбекистонда логистика инфратузилмаси ривожи учун қулай муҳит шаклланди. Трансконтинентал йўлларнинг ўзгариши иқтисодий ўсиш билан бирга кечмоқда. 2024 йилда 200 минг кв.м омбор ишга туширилди. Бу марказий минтақадаги энг юқори ўсиш бўлди. Шунга қарамай, эҳтиёж ҳали ҳам бир неча баравар юқори. IBC Global ҳисобига кўра, 2,5 млн метр квадрат керак.

2024 йилда Ўзбекистонда ЯИМ 6,5 фоизга ўсди, инвестициялар 27,6 фоизга кўпайди. Савдо, ташиш ва истеъмол кўрсаткичлари барқарор ижобий суръатда давом этмоқда. Ўсиш 2025 йилда ҳам давом этиши кутилмоқда. Жаҳон бозоридаги улушни кенгайтириш учун омбор зарур.

Демографик ҳолат ҳам иқтисодий фаолликни қўллаб-қувватламоқда. 55 фоиз аҳолининг ёши 31 дан кичик. Меҳнатга лаёқатли қатлам 81 фоизга етган. Бу эса ишлаб чиқариш ва савдо ҳажмини оширади. Аҳолининг ўсиб бориши доимий логистика талабини яратмоқда.

Янги омборлар қурилиши ҳисобига бозор ҳажми кенгаймоқда. 2023 йил охирида омборлар 188 минг метр квадрат эди. 2025 йилда эса 500 минг метр квадратдан ошди. А класс омборлар илк бор ишга тушди. Бозорда сифатли жойлар улуши 40 фоизга етди.

Хорижий савдо 65,9 млрд долларга етиб, 3,8 фоизга ошди. Ички савдо 2,08 млрд долларни ташкил этмоқда. Бунда асосий улушни кичик бизнес эгаллаган. Омбор майдонлари e-commerce учун муҳим ресурсга айланди.

Саноат, чакана савдо ва логистика компаниялари фаол инвестиция киритмоқда. Транспорт ва сақлаш хизматлари кўрсаткичлари йилдан йилга ўсиб бормоқда. 2021 йилдан буён бу соҳадаги корхоналар сони 40 фоизга кўпайди. Аҳоли даромадлари ошиши билан талаб янада кучаймоқда.

Айни дамда ҳар бир аҳолига 0,014 метр квадрат омбор тўғри келади. Бу Қозоғистондан 6, Россиядан эса 23 баравар кам. Мамлакатда ҳар қандай омбор лойиҳаси тезда ўз мижозини топмоқда. Саноат вакиллари учун рақобат жуда паст даражада қолмоқда.

Инвесторлар учун бугунги кун энг яхши имкониятдир. Йиллик ижара даромади 140 доллар /метр квадрат атрофида. Бу кўрсаткич минтақада энг юқори даражада.