Бир ой ичида бу кўрсаткич 0,4 фоизга камайган. Хусусан, бир йилдан ортиқ муддатли ҳисобварақларнинг даромадлилиги кескин равишда 1,5 фоизга тушиб, 19,3 фоизни ташкил этган — бу 2024 йил июнь ойидан буён энг паст кўрсаткичдир. Шу билан бирга, қисқа муддатли омонатлар ставкаларининг 17,2 фоизгача бироз кўтарилгани кузатилган.

Жисмоний шахслар омонатлари бўйича фоиз ставкалари кетма-кет олтинчи ой мобайнида деярли ўзгармай, 22,1 фоизда қолди. Бир йилгача бўлган муддатли омонатлар даромадлилигининг бироз пасайиши (20,66 фоизгача) узоқ муддатли депозитлар бўйича ставкаларнинг 22,4 фоизгача минимал кўтарилиши (+0,1 фоиз) билан мувозанатланди.

Бизнес учун мўлжалланган омонатлар бўйича даромадлилик 16,4 фоизгача (0,5 фоизга) пасайди. Бу асосан узоқ муддатли таклифлар бўйича ставкаларнинг 1,5 фоизга тушиши билан боғлиқ. Бир йилгача бўлган муддатли омонатлар бўйича ставкалар 16,3 фоиз даражасида ўзгаришсиз қолди.

Чет эл валютасидаги депозитлар бўйича фоизлар февралдаги пасайишнинг бир қисмини қоплади. Март ойи охирида уларнинг ўртача даромадлилиги 4,7 фоизни (+0,3 фоиз) ташкил этди, узоқ муддатли омонатлар эса худди шундай ўсиш билан йиллик 5 фоизга етди.

Аҳоли учун валюта омонатлари даромадлилигининг минимал ўсишини кўрсатди — 4,9 фоизгача (+0,1 фоиз). Қисқа муддатли сегментдаги ставкалар 3,05 фоизгача (+0,05 фоиз), узоқ муддатли сегментда эса 5,35 фоизгача (+0,09 фоиз) кўтарилди.

Корпоратив депозитлар бўйича юқорироқ ўсиш қайд этилди — 0,3 фоизга (4,4 фоизгача). Бунга бир йилдан кам муддатли омонатлар бўйича фоиз ставкаларининг 4,5 фоизгача кескин кўтарилиши (+1,1 фоиз) туфайли эришилди. Узоқ муддатли ҳисобварақлар бўйича эса ўсиш атиги 0,1 фоизни (4,4 фоизгача) ташкил этди.