Аммо Олтинкўл ва Улуғнор туманларида лойиҳалар ишчи комиссия томонидан асоссиз равишда рад этилганлиги юзасидан ишонч рақамига фуқаролар томонидан шикоятлар келиб тушди.

«Очиқ бюджет» порталидаги маълумотларга кўра, Улуғнор туманида жами 73 та лойиҳа келиб тушиб, шундан фақат 13 таси овоз беришга ўтказилган. Қолган 60 та лойиҳа эса ҳеч қандай асоссиз ёки сабаблари тушунтирилмаган ҳолда рад этилган.

Худди шу каби ҳолат, Олтинкўл туманида жами 116 та лойиҳа келиб тушган бўлиб, шундан 22 таси овоз беришга ўтказилган, 94 та лойиҳа асослантирилмаган ҳолда рад этилган.

Мазкур ҳолатлар юзасидан, Иқтисодиёт ва молия вазирлиги томонидан лойиҳаларни амалдаги қонунчиликда белгиланган меъзонларга асосан қайта кўриб чиқиш юзасидан хатлар юборилган бўлсада, тегишли туман ишки комиссиялари томонидан лойиҳалар қайта кўриб чиқилиши таъминланмади.

Шу муносабат билан, лойиҳаларни саралаш босқичида амалдаги меъзонларга риоя этилмаганлигини инобатга олиб, фуқаролардан келиб тушган шикоят ва эътирозлар асосида Улуғнор ва Олтинкўл туманларида ташаббусли буджетнинг 2-мавсуми доирасида лойиҳаларга овоз бериш босқичи ўтказилмайди.

Ҳуқуқшунос Хушнуд Худойбердиев «бу ҳокимларнинг янги ўйиними?», деган саволни ўртага ташлади.

«Ютиши керак бўлган лойиҳаларни қолдириб, бошқаларини ҳеч бир сабаб кўрсатмасдан рад қилиб, шу йўл билан ҳоким жаноблари ўз мақсадига эришмоқчими?

Ўйинни улар қиладию, лекин жабрини халқ кўради. Бу ҳолат бўйича жиддий суриштирув ўтказиш ва камчиликлар аниқланганда масъуллар тегишли жавобгарликка тортилиши керак. Жамоатчилик ташаббусларига сунъий тўсқинлик қиладиганлар албатта жазосини олиши шарт», — деб ёзади у.