UzAuto Motors автомобиль моделлари қаторини кенгайтириш дастури доирасида тайёргарлик ишларини якунлаб, янги Chevrolet Cobalt модификацияларини оммавий ишлаб чиқаришни бошлади. Бу ҳақда компания матбуот хизмати хабар берди.

Cobalt автомобили иккита янги — Cobalt Style MCM ва Cobalt Midnight MCM версияларида тақдим этилади. Ушбу модификацияларга янги двигатель бошқарув блоки ўрнатилди, газ тақсимлаш ва электрон бошқарув тизимлари такомиллаштирилди. ABC тизими, хавфсизлик ёстиқчалари ва ҳимоя функциялари бошқариув блоклари, диагностика модули — жами 50 дан ортиқ асосий автомобиль компонентлари янгиланди.

Автомобиллар круиз-назорат тизими билан жиҳозланган бўлиб, бу ҳайдовчисиз белгиланган тезликни ушлаб туриш имконини беради. Шунингдек, олд ўриндиқларнинг иситиш тизими совуқ об-ҳаво шароитида фойдаланиш қулайлигини оширади.

Сенсорли мультимедиа тизими эса Android Auto ва Apple CarPlayтизимларини қўллаб-қувватлайди. У орқали смартфонларини осон улаш, навигациядан фойдаланиш, мусиқа тинглаш ҳамда қўнғироқларни йўлда чалғимасдан бошқариш мумкин.

Midnight MCM комплектацияси салонида экочармдан тайёрланган, иситиш тизими билан жиҳозланган ва янги тикув дизайнига эга ўриндиқлар ўрнатилган. Интерери қора рангларда ишланган: рулдаги қўшимча бошқарув пультлари, полик қопламаси, асбоблар панели, консул бох, эшик қопламалари ва аудио тизимнинг декоратив қисмлари ягона ранг гаммасида безатилган. Ушбу версиянинг экстерерида ҳам Миднигҳт комплектациясидаги каби қора рангга бўялган ён ойналар, қора қуйма ғилдиракли дисклар ва қорайтирилган фаралар мавжуд.

Chevrolet Cobalt автомобилининг янги комлектациялари учун тавсия этилган чакана нархлар қуйидагича:

• Style MCM — 156 100 000 сўм;
• Midnight MCM — 165 200 000 сўм.

Шу билан бирга, ушбу автомобилнинг мавжуд комплектациялари учун нархлар ўзгаришсиз қолдирилди: Style AT Plus — 147 916 000 сўм, Midnight АТ — 155 231 000 сўм.

3 ноябрдан барча Chevrolet дилерлик марказлари орқали мавжуд комплектацияларга қўшимча равишда янги версиялар учун ҳам шартнома тузиш мумкин.