Тожикистонда янги таҳрирдаги Солиқ кодекси қабул қилинди ва қўшилган қиймат солиғи 18 фоиздан 15 фоизга камайтирилди. Бу ҳақда Asia-Plus хабар берди.
Таъкидланишича, Эмомали Раҳмон 23 декабрь куни 45 та қонун, жумладан, Солиқ кодексининг янги таҳририни имзолади.
Янги таҳрирдаги Солиқ кодексида илгари берилган имтиёзлар сақланиб қолган ва баъзи енгилликлар киритилган. Хусусан, солиқ турлари камайтирилган, айрим ставкалар пасайтирилган.
Аввалроқ Ўзбекистонда 20 фоиздан 15 фоизга туширилган ҚҚС 2023 йилдан 12 фоизгача пасайтирилиши ҳақида хабар берилган эди.
