Ўзбекистонда 2022 йил учун давлат бюджети даромадларининг прогнозига кўра ҚҚС даромадлари 53,3 триллион сўмни ташкил қилади. Бу ҳақда Давлат божхона қўмитаси матбуот хизмати хабар берди.

Маълум қилинишича, Ўзбекистонда «2022 йил учун Ўзбекистон Республикасининг Давлат бюджети тўғрисида»ги қонунига биноан 2022 йил учун республика бюджети даромадлари прогнози тасдиқланган.

Қайд этилишича, давлат бюджетининг билвосита солиқлардан даромадлари прогнози қуйидагича қабул қилинган:

• қўшилган қиймат солиғи — 53,3 триллион сўм;
• акциз солиғи — 11 триллион 687 миллиард сўм;
• божхона божи — 4 триллион 826 миллиард сўм.

Аввалроқ Ўзбекистонда 2023 йилдан ҚҚС 12 фоизгача пасайтирилиши хабар қилинганди. Шунингдек, Ўзбекистонда Солиқ кодексига ўзгартиш ва қўшимчалар киритилиши ҳақида хабар берилди.