2022 йилнинг боши Европа банклари акциялари учун рекорд даражадаги энг яхшиси бўлди. Бу ҳақда Bloomberg ёзмоқда.

Қайд этилишича, Stoxx Europe 600 фонд индексида банк соҳасининг қимматли қоғозлари бошқа соҳаларга қараганда кўпроқ кўтарилган. Акцияларнинг қиймати 10 фоизга ошган. Бундан ташқари, қимматли қоғозлар қиймати тўққиз кун кетма-кет кўтарилган. Бу 2018 йилдан буён энг яхши натижа.

Индексдаги барча 38 та банкнинг акциялари 2020 йил охирига нисбатан қимматлашган. Нашр маълумотларига кўра, Societe Generale SA’нинг акциялари икки баравар, Испаниянинг Banco de Sabadell SA 87 фоизга ва ING Groep NV 77 фоизга қимматлаган.

Хабарга кўра, банк акциялари нархи ошишига марказий банклар — биринчи навбатда АҚШ Федерал заҳирасининг пул-кредит сиёсати «қаттиқлашгани» сабаб бўлган. Бу облигациялар даромадининг ошишига ва ўз навбатида, банкларга кредитлардан кўпроқ фойда олиш имконини беради.

Шу билан бирга, иқтисодиётнинг тикланиши билан истеъмол ва бизнес кредитлари ҳажми ошади.

«Акциядорлик сармоядорлари марказий банкнинг кутилаётган ҳаракатларидан ким кўпроқ фойда кўришини аниқлаши керак ва ягона мантиқий хулоса банкларга қарашдир», — дейди Fountain Square Asset Management компаниясининг капитални бошқариш бўйича бош директори Андреас Мейер.

Аввалроқ дунёнинг энг йирик банклари иқлим ўзгаришига қарши бирлашгани хабар қилинганди.