Тошкент–Боку–Тошкент йўналиши бўйича авиақатновлар қайта тикланмоқда. Бу ҳақда Uzbekistan Airways матбуот хизмати хабар берди.
Қайд этилишича, 2022 йил 8 мартдан бошлаб Uzbekistan Airways авиакомпанияси узоқ танаффусдан сўнг Бокуга ҳафталик қатновларни тикламоқда.
Парвозлар ҳафтада бир марта – сешанба кунлари қуйидаги жадвалга мувофиқ амалга оширилади:
Тошкент–Боку
учиш соат 14:40, етиб бориш соат 16:35 (маҳаллий вақт билан)
Боку–Тошкент
учиш соат 17:35, етиб бориш соат 21:10 (маҳаллий вақт билан).
Аввалроқ Uzbekistan Airways Киевга парвозларни бекор қилгани хабар қилинганди.
