Исроилнинг The Jerusalem Post нашри Абрамовичнинг Киев илтимосига биноан Россия ва Украина ўртасидаги музокараларда ёрдам бераётгани ҳақида хабар берди.

Маълумотларга кўра, тадбиркор Украина илтимосига кўра учрашув бўлиб ўтаётган Беларусга кетган.

«Роман Абрамовичга Украина томони тинч йўл билан келишувга эришишда ёрдам сўраб мурожаат қилганини ва шундан бери у ёрдам беришга ҳаракат қилганини тасдиқлай оламан. Нима ҳақида гапираётганимизни ҳисобга олсак, нима учун биз вазиятни ҳам, унинг иштироки ҳақида ҳам изоҳ бермаганимизни тушуниб олишингизни илтимос қиламиз», — деган тадбиркорнинг вакили нашриётга.

Миллиардернинг вакили Абрамовичнинг Беларусда экани ҳақидаги маълумотга изоҳ бермади.

Қайд этиш керакки, 28 февраль куни тушдан кейин Беларуснинг Гомел вилоятида Россия ва Украина делегацияларининг учрашуви бошланди. У Украина чегараси яқинида Припять дарёси бўйида ўтади.

Аввалроқ Британия парламенти депутати Абрамовични «Челси»га эгалик ҳуқуқидан маҳрум қилишга чақиргани хабар қилинганди. Шунингдек, Абрамович «Челси» бошқарувини клубнинг хайрия жамғармасига ўтказгани ҳақида хабар берилди.