Биткоин криптовалютасининг курси январь ойидан бери биринчи марта 45 минг долларгача кўтарилди. Бу ҳақда «Интерфакс» хабар берди.
Маълум қилинишича, биткоин ва бошқа йирик криптовалюталар 25 март куни глобал бозорларда рискка қизиқишнинг умумий ортиши, шунингдек криптовалюталарни институционал қўллаб-қувватлашнинг кучайиши фонида қимматлашди.
Тошкент вақти билан 19:15 да биткоин курси 44 минг 963 долларни ташкил этди, бу аввалги сессиянинг якуний қийматидан 2,43 фоизга юқори. Криптовалютанинг нархи қисқа вақт ичида 45 минг доллардан ошди, бу январь ойидан бери биринчи марта қайд этилди.
«Биткоин нархи 45 минг доллардан юқори кескин жарликка яқин. Бу чегара январь ойининг ўрталаридан бери кучли қаршилик даражаси бўлиб қолмоқда», — деди япон криптовалюта биржаси Bitbank таҳлилчиси Юя Хасегава.
Мутахассисларнинг қайд этишича, биткоиннинг кучайиши фючерс биржаларининг криптовалюталарга қизиқиши ортиши билан бирга содир бўлмоқда. Бу эса, ўз навбатида, бозор ликвидлигини ошириши кутилмоқда.
Масалан, Goldman Sachs инвестиция банки шу ҳафта бошида ўзининг шериги, криптовалюта компанияси — Galaxy Digital Holdings Ltd орқали биринчи биткоин опцион савдосини якунлаганини маълум қилди.
Хасегава, шунингдек, биткоин бозорида тўпланган қисқа позицияларнинг катта миқдори ҳақида сигналларни ҳам кўрмоқда. Унинг фикрича, трейдерлар қаршилик даражаси бузилган тақдирда қисқа позицияларни ёпишни бошлайди ва бу биткоиннинг янада кескин кучайишига ёрдам беради.
«Қисқа муддатга ставканинг эҳтимолий диапазонининг юқори чегараси 48 минг доллар ва, эҳтимол, 50 минг долларлик психологик жиҳатдан муҳим белгидир. Агар курс 45 минг долларлик қаршилик даражасини енгиб чиқа олмаса, у ҳолда биз унинг 42 минг долларлик қисқа муддатли коррекциясини кутишимиз мумкин», — дейди Хасегава.
Бундан ташқари, 25 март куни эфир (Ethereum) курси 2,4 фоизга ошиб, 3178 минг долларга, Solana — 0,7 фоизга, лайткоин — 0,1 фоизга ошди.
Аввалроқ Ҳиндистон ҳар бир криптоинвестицияни солиққа тортишни бошлаши хабар қилинганди. Шунингдек, Энг йирик криптовалюта биржаси Forbes журналига 200 миллион доллар сармоя киритиши ҳақида хабар берилди.
