Ўзбекистонда Soliq иловаси орқали истеъмолчиларга йил бошидан бери 180,5 миллиард сўм кешбэк тўлаб берилди. Бу ҳақда Давлат солиқ қўмитаси матбуот хизмати хабар берди.
Қайд этилишича, май ойи учун 509 781 нафар истеъмолчига 53,8 миллиард сўм кешбэк тўланган.
Шунингдек, камчиликлар бартараф этилиши натижасида январь-апрель ойлари учун яна 1,8 миллиард сўм кешбэк тасдиқланган.
«Йил бошидан буён 673 597 нафар фуқарога 180,5 миллиард сўм кешбэк тўлаб берилди», дейилади хабарда.
ДСҚнинг таъкидлашича, тасдиқланган кешбэк суммасини 27 июндан бошлаб банк пластик карталарига ўтказиб олиш мумкин.
