EssilorLuxottica ҳолдингининг энг йирик акциядори ва раҳбари Леонардо дель Веккьо 88 ёшида вафот этди. Бу ҳақда компания сайтидаги хабарда айтилади.
«EssilorLuxottica директорлар кенгаши раиси Леонардо дель Веккьонинг вафоти ҳақида қайғу билан эълон қилади. Компания ушбу оғир йўқотиш муносабати билан Веккьонинг оила аъзолари ва бутун жамоага чуқур ҳамдардлик билдиради», дейилади компания хабарида.
Маълум қилинишича, директорлар кенгаши кейинги қадамларни аниқлаш учун йиғилиш ўтказади.
«Леонардо дел Веккионинг ўлими билан Милан яқин тарихидаги энг машҳур шахслардан бирини йўқотди», деб ёзди шаҳар мэри Жузеппе Сала Twitter’да.
Дель Веккьо — Италиядаги иккинчи энг бой миллиардер. Реал вақт режимида янгиланадиган Forbes Real-Time рейтингига кўра, унинг бойлиги 24,6 миллиард долларни ташкил қилади.
Италияликлар орасида биринчи ўринни қандолатчилик гиганти — Ferrero SpA раҳбари Жованни Ферреро эгаллаб турибди, унинг бойлиги 34,8 миллиард долларга баҳоланмоқда.
Аввалроқ мексикалик миллиардер, «кумуш қирол» Альберто Байерес 90 ёшида вафот этгани ҳақида хабар берилганди.
