Тошкент вилоятининг Бўстонлиқ туманида 11 август куни Welcome to Bustanlik халқаро миллий таомлар фестивали бўлиб ўтади. Бу ҳақда Туризм ва маданий мерос вазирлиги матбуот хизмати хабар берди.
Тадбир Ўзбекистон Туризм ва маданий мерос вазирлиги ҳамда Тошкент вилояти ҳокимлиги билан ҳамкорликда ташкил этилади. Шунингдек, фестивалда «Миллий PR-маркази» ДУК, Тошкент вилояти Туризм ва маданий мерос бошқармаси Мудофаа вазирлиги, Ички ишлар вазирлиги, Соғлиқни сақлаш вазирликлари кўмагида «Амирсой» дам олиш маскани ва бошқа ташкилотлар ҳам иштирок этмоқда.
Мазкур фестивалда 6 мингдан ортиқ меҳмонлар, жумладан, Қозоғистон, Қирғизистон, Россия, Беларусь ва МДҲнинг бошқа давлатларидан мингдан ортиқ вакиллар иштирок этиши кутилмоқда.
Улар орасида етакчи ошпазлар, реставраторлар, умумий овқатланиш корхоналарининг бошқарув ходимлари ва бошқалар бор.
Фестивал доирасида танловлар, миллий ва хорижий таомларни тайёрлаш бўйича маҳорат дарслари, мусиқий жамоаларнинг чиқишлари ва ҳ.к. кутилмоқда. Ушбу ташаббус Тошкент вилоятида гастрономик ва туризмнинг бошқа турларини ривожлантиришда муҳим аҳамият касб этади.
Тадбирнинг асосий мақсади — Ўзбекистонда гастрономик туризмни ривожлантириш ва оммалаштириш, шунингдек, мамлакатлар ўртасида туризм соҳасидаги ҳамкорликни, ўзаро ишонч, ҳамжиҳатлик ва яхши қўшничилик алоқаларини мустаҳкамлаш, тинчлик ва хавфсизликни сақлаш, табиий обектларни асраб-авайлаш ва сақлаш, Ўзбекистоннинг туризм салоҳиятини тарғиб қилиш.
Тадбирга кириш бепул. Тадбирда иштирок этиш учун ҳавола орқали рўйхатдан ўтиш керак. Тадбирга ташриф буюрувчиларни 10 августгача рўйхатга олинади.
Манзил: Amirsoy Resort автомобиль тўхташ майдончаси
Вақти: 11 август, 10:00 дан 22:00 гача.
