«Сбербанк» ва Қозоғистоннинг «Байтерек» миллий бошқарув холдинги банкнинг Қозоғистон «Сбербанки»даги улушини сотиш ва сотиб олиш бўйича шартнома имзолади. Бу ҳақда банк матбуот хизмати хабар берди.
Маълум бўлишича, «Сбербанк» жорий геосиёсий вазиятдан келиб чиқиб, шўба банк мижозлари манфаатлари учун Қозоғистон бозоридан чиқишга қарор қилган. Таъкидланишича, шўба банк етарлича ликвидлик захирасига, юқори сифатли кредит портфелига эга ва кўп йиллар давомида Қозоғистон молия бозорининг асосий иштирокчиларидан бири бўлиб келган.
Айтилишича, банкга тегишли бўлган замонавий инфратузилма ва технологиялар банкка қисқа вақт ичида тўлақонли ишга қайтиш ва Қозоғистон иқтисодиётининг реал секторини молиялашни бошлаш имконини беради. Банк мижозлар олдидаги барча мажбуриятларини бажаришда давом этади. Мавжуд мижозлар учун банк маҳсулотлари учун барча шартлар ўзгаришсиз қолади.
Қайд этилишича, томонлар келишувни яқин вақт ичида якунлашни режалаштирмоқда.
Аввалроқ «Сбербанк» санкциялар туфайли мижозларнинг хорижий активларини бошқа брокерларга ўтказиши хабар қилинганди. Қайд этилишича, трансфер 13 апрелга қадар марказлаштирилган ҳолда амалга оширилиши режалаштирилган. Банк мижоз пул ўтказмасини рад этиши ёки ўзи брокерни танлаши мумкин эмаслигини таъкидлаган.
