Azal авиакомпанияси Бокудан Фарғонага парвозларни йўлга қўйди
Azal авиакомпанияси Фарғонага мунтазам қатновларни йўлга қўйди. Бокудан Фарғонага мунтазам қатновлар ҳафтасига бир марта — пайшанба кунлари амалга оширилиши режалаштирилган
15 декабрь куни маҳаллий вақт билан соат 04:15да Озарбайжоннинг Azal авиакомпаниясининг самолёти Фарғонага келиб қўнди. Бу ҳақда Uzbekistan Airports хабар берди.
Маълум бўлишича, Боку-Фарғона-Боку йўналишини очган Аirbus А320 борти анъанавий тарзда сув аркаси билан, экипаж ва йўловчилар эса карнай ва сурнай садолари остида тантанали равишда кутиб олинди.
Мунтазам рейслар ҳафтада бир марта — пайшанба кунлари амалга оширилиши режалаштирилган.
Айтиш жоизки, Фарғона Озарбайжон авиаташувчиси парвоз қила бошлаган Ўзбекистондаги учинчи шаҳарга айланди. Бокудан Тошкентга рейслар ҳафтасига икки марта – пайшанба ва якшанба кунлари мунтазам равишда амалга оширилади. Бокудан Самарқандга – сешанба ва пайшанба кунлари.
