Ҳиндистонлик миллиардер Гаутама Адани икки кун ичида бойлигининг 20 фоиздан ортиғини йўқотди. Бу ҳақда Bloomberg нашри хабар берди.

Қайд этилишича, Осиёнинг энг бой одами, ҳиндистонлик миллиардер Гаутама Аданининг бойлиги икки кун ичида 20 фоиздан кўпроққа тушиб, 93 миллиард долларга етган. Бу Hindenburg Research инвестиция тадқиқот гуруҳининг 24 январь куни Adani Group’даги вазиятни танқид қилган ҳисоботи эълон қилинганидан кейин содир бўлди.

Маълум қилинишича, таҳлилчилар Adani Group фаолиятида шубҳали амалиётлар ва молиявий фирибгарлик белгиларини аниқлаган. Бу инвесторларнинг ишончига путур етказди ва бунинг оқибатида холдинг таркибига кирувчи компанияларнинг акциялари пасая бошлади. Шундай қилиб, Adani Enterprises қимматли қоғозлари қиймати 27 январь куни ким ошди савдосида 19 фоизга арзонлади. Уларнинг ортидан Ҳиндистоннинг бошқа конгломератлари ва банклари акциялари ҳам пасайишни бошлади — мамлакатнинг 50 та энг йирик компанияси акциялари ҳолатини акс эттирувчи NSE Nifty 50 индекси савдолар якунига қадар 1,6 фоизга йўқотди, бу эса Осиёдаги энг ёмон кўрсаткич бўлди.

Шу билан бирга, Adani Group Hindenburg Research ҳисоботида келтирилган хулосаларга қарши чиқди ва уларни хаёлий ва тасдиқланмаган деб атади. Миллиардернинг компанияси тадқиқотчиларни судга бериш билан таҳдид қилди, бироқ Hindenburg улар даъволарини қайтариб олмаслигини ва уларни ишончли деб ҳисоблашини айтди.

Эслатиб ўтамиз, олдинроқ дунёнинг энг бой одамлари 2022 йилда қарийб 2 триллион доллар йўқотганди. Энг кўп йўқотиш Илон Маскда кузатилди. Tesla компанияси асосчисини ортда қолган вақт давомида 115 миллиард доллардан кўп маблағ йўқотди.