O’zbekistonda to’lov terminallari uchun yangi MCC-kodlari (Merchant Category Code) joriy etiladi. Bu kodlar savdo nuqtalarining faoliyat turini aniqlash va tasniflash imkonini beradi. Yangi tartibga ko’ra, banklar endi to’lov terminalini mijozga biriktirishda, uning faoliyat turiga asoslanib, MCC-kodini belgilaydi.

MCC-kodlari to’rtta raqamdan iborat bo’lib, har bir raqam savdo nuqtasining faoliyat turini ko’rsatadi. Kodlar Xalqaro Standartlashtirish Tashkiloti (ISO) tomonidan belgilanadi va xalqaro to’lov tizimlari, shu jumladan, «Visa»,»MasterCard» va “American Express” tomonidan qo’llaniladi. Banklar to’lovlarni qayta ishlaganda, MCC-kodi orqali xarid qilingan tovar yoki xizmat turini aniqlashadi. Bu, ayniqsa, keshbek dasturlarida yoki bonuslarni hisoblashda muhim.

MCC-kodlari, shuningdek, to’lov tizimlari va xizmatlari bo’yicha yangi o’zgarishlarga olib keladi. Banklar to’lov terminalini mijozga biriktirishda uning faoliyatiga mos kodni belgilaydi va har qanday o’zgarishlar uch ish kuni ichida amalga oshiriladi. Mijozlar o’z faoliyat turini o’zgartirgan hollarda, bu haqda bankni xabardor qilishlari shart.

Bundan tashqari, hukumat Turizm qo‘mitasi, Markaziy bank va Raqamli texnologiyalar vazirligiga xalqaro to’lov tizimlari, masalan, «Alipay», «Apple Pay» va «Google Pay» kabi xizmatlarni O’zbekistondagi to’lov tizimlariga ulash bo’yicha muzokaralar olib borishni topshirgan.

Eslatib o’tamiz, bundan avval, “TBC Bank Uzbekistan” to‘lov operatsiyalarini qayta ishlash uchun o‘z protsessing markazini ishga tushirgan edi.