2024-yil 5-dekabr kuni, Toshkent vaqti bilan soat 7:40 da, Binance birjasida Bitcoin (BTC) narxi birinchi marta 100 184 dollarni tashkil etdi. Bu Bitcoinning tarixidagi eng yuqori narx bo‘lib, oldingi rekordlarni ortda qoldirgan. Narxning bunday o‘sishi noyabr oyida Donald Trampning AQSH prezidenti sifatida g‘alaba qozonishidan so‘ng tezlashdi. O‘sha paytda Bitcoinning narxi 68 ming dollar atrofida edi.

Bitcoin narxining o‘sish sabablari:

1.Bitcoin Halvingi (20-aprel): 2024-yilning aprel oyida Bitcoin halvingi bo‘lib o‘tdi, bu esa yangi siklni boshlab berdi. Halving maynerlar uchun mukofotlarni kamaytirgan holda, Bitcoinning qiymatini oshirishi mumkin.

2. Institutsional investitsiyalarning kirishi: Kriptovalyutalar, ayniqsa Bitcoin, moliyaviy gigantlar tomonidan qonuniylashtirilgan. Bu esa bozorga katta institutsional investitsiyalarni jalb etgan, xususan, Bitcoin uchun ETF (Exchange-Traded Funds)ning ishga tushirilishi o‘sishning muhim omiliga aylandi.

Ba’zi ekspertlar Bitcoin narxining 2026-yilda 174 ming dollarga yetishini taxmin qilmoqda. Shuningdek, 2025-yilning bahoriga qadar Bitcoin o‘zining eng yuqori narxiga yetishi mumkin deb hisoblashmoqda.

Bundan tashqari, Bitcoin narxi oshishi bilan birga, ko‘plab investorlar altkoinlarga (Bitcoin’dan boshqa kriptovalyutalar) qiziqishni oshirishi mumkin. Tarixan, Bitcoin o‘z cho‘qqisiga yetgach, likvidlik (pul oqimi) altkoinlarga o‘tadi, bu esa alt-mavsumning boshlanishiga olib keladi. Shu sababli, 2024-yilning bahorida altkoinlar bozorida o‘sish kutilmoqda.

Bitcoin sotib olish yoki yo‘q?

Bitcoinning hozirgi narxi juda yuqori bo‘lsa-da, ba’zi ekspertlar uni hozirda sotib olishni tavsiya qilmaydilar. Ular narx biroz pasaygach, sotib olishni afzal ko‘rishadi. Kriptovalyuta bozori o‘zgaruvchan va xavfli bo‘lishi mumkin, shuning uchun investorlar ehtiyotkorlik bilan yondashishlari kerak.