O‘zbekistonlik yoshlarning IELTS bo‘yicha natijalari e’lon qilindi
2024-yil holatiga ko‘ra, o‘zbekistonlik yoshlar IELTS imtihonidan yuqori ball olishda sezilarli yutuqlarga erishdi. 2020-yilda 5,5 va undan yuqori ball olgan yoshlar soni 10 152 nafar bo‘lgan bo‘lsa, 2024-yilga kelib bu ko‘rsatkich 52 706 nafarga yetdi. C1 darajasidagi 7-8 ball olganlar soni esa 7,4 barobarga oshib, 13 424 nafarga yetgan.
Yoshlar ishlari agentligi direktori Alisher Sa’dullayevning ma’lum qilishicha, 2020-yilda IELTS imtihonidan 5,5 va undan yuqori ball olgan yoshlar soni 10 152 nafar bo‘lgan bo‘lsa, joriy yilda bu ko‘rsatkich 52 706 nafarga yetgan. Bu esa 5 barobar o‘sishni ko‘rsatmoqda.
C1 darajasidagi 7-8 ball olganlar soni 2020-yilda 1 807 nafar bo‘lgan bo‘lsa, 2024-yil holatiga ko‘ra, bu ko‘rsatkich 13 424 nafarga ko‘paygan. Bu esa 7,4 barobar o‘sish ekanligidan dalolat beradi.
8,5-9 ball (C2 daraja) olganlar soni esa 2020-yilda 14 nafar bo‘lgan bo‘lsa, 2024-yilga kelib ularning soni 332 nafarga yetgan.
