Markaziy bank bir fuqaroga beriladigan bank kartalari sonini chekladi
Yangi qoidalarga ko‘ra, bir fuqaroga bitta bankda eng ko‘pi bilan 5 ta karta chiqarilishi mumkin, barcha banklar bo‘yicha esa umumiy cheklov 20 tadan oshmasligi kerak.Mazkur tartib joriy yilning 31-dekabriga qadar amal qiladi.
2025-yil 1-yanvardan boshlab, O‘zbekiston Markaziy Banki bitta jismoniy shaxsga beriladigan bank kartalari sonini cheklash bo‘yicha vaqtinchalik tartibni joriy etdi. Bu haqda spot xabar berdi.
Yangi qoidalarga ko‘ra, bir fuqaroga bitta bankda eng ko‘pi bilan 5 ta bank kartasi chiqarilishi mumkin, barcha banklar bo‘yicha esa umumiy cheklov 20 tadan oshmasligi kerak. Ushbu cheklov virtual va kobeydjing kartalarini ham o‘z ichiga oladi, biroq chet el valyutasida ochilgan kartalarga bu talab tatbiq etilmaydi.
Markaziy bank ushbu choraning asosiy maqsadi firibgarlik va shubhali operatsiyalarning oldini olish ekanligini ta’kidlamoqda. Statistik ma’lumotlarga ko‘ra, hozirgi kunda jismoniy shaxslarning 97 foizida 5 tagacha bank kartasi mavjud. Fuqarolarning 3 foizida 5-20 ta oralig‘ida karta rasmiylashtirilgan, 0,03 foiz fuqarolarda esa 20 tadan ortiq karta bor.
