Энди ваучер тизими орқали 35 та касб бўйича бепул таълим берилади
Самарқанд ва Тошкентда 1 февралдан, бошқа барча ҳудудларда эса 1 майдан бошлаб ваучер тизими орқали 35 та касб ва тил бўйича бепул таълим олиш имконияти яратилади.
Президентнинг “2025 йилда аҳоли бандлигини таъминлаш ва камбағалликни қисқартириш чора-тадбирлари тўғрисида”ги қарори бўйича, Самарқанд вилояти ва Тошкент шаҳрида 1 февралдан, 1 майдан эса барча ҳудудларда янги ваучер тизими ишга тушади. Ушбу тизим орқали ишсиз фуқаролар, шу жумладан, камбағал оилалар аъзолари, давлат ва хусусий ўқув марказларида бепул ўқиш имкониятига эга бўлади.
Ваучер орқали ўқиш тўловлари тўлиқ давлат томонидан қопланади. Ёши ва ўқиш муддати фарқ қилмасдан,барча харажатлар тўлиқ қоплаб берилади.
Бандликка кўмаклашиш жамғармаси томонидан ўқиш бошида тўловнинг 50% қопланади, қолган қисмини эса ўқувчи сертификатни олгандан сўнг, ўқиш тугагач тўлайди.
Ваучерни олиш учун фуқаролар туман ёки шаҳар Камбағалликни қисқартириш ва бандликка кўмаклашиш бўлимига мурожаат қилиши керак. Аризани тасдиқлашдан сўнг, фуқарога ҳавола юборилади, у орқали ваучерни юклаб олиш ва ўқув марказига тақдим этиш мумкин.
Бепул таълим олиш мумкин бўлган 35 та касб ва тил:
1. Компьютер графикаси мутахассиси
2. Компьютер техникаси монтажчиси
3. Интерьер дизайнери
4. Маркетинг мутахассиси
5. Мерчендайзер
6. Контент-менежер
7. AutoCad дастури
8. Логистика марказлари техник-оператори
9. Call-center оператори*
10. Видеомонтаж
11. Бухгалтерия (ўрта малака)
12. Кадрлар ва махсус ишлар бўйича инспектор
13. Аёллар сартароши
14. Эркаклар сартароши
15. Фотограф
16. Кинооператор
17. Гид-саёҳатчи
18. Сурдотаржимон
19. Официант*
20. Карвинг санъати устаси
21. Заргар (модельер)
22. Визажист (стилист-косметолог)
23. Массажчи
24. Навбатчи механик*
25. Кран машинисти*
26. Кондициялаш ва шамоллатиш системасини таъмирлаш ва унга хизмат кўрсатиш бўйича чилангар*
27. Қозонхона ишчиси*
28. Маиший техникалар чилангар-йиғувчиси
29. Пайвандловчи (3-МТ бўйича барча турдаги)
30. Чилангар-сантехник
31. Токарь
32. Электромонтёр
33. Бетончи*
34. Автомобилларни таъмирловчи чилангар
35. Немис тили
*Ушбу 7 та касб бўйича таълим олиш фақат иш берувчи томонидан буюртма қилинган ҳолларда амалга оширилади. Шунингдек, нодавлат ўқув марказлари ҳам ўз аризаларини ҳавола орқали юборишлари мумкин.
