АҚШ Ўзбекистонга ажратилиши керак бўлган 2,5 млн долларлик грантни бекор қилди

Илон Маск раҳбарлик қилаётган Ҳукумат самарадорлиги департаментининг маълум қилишича, АҚШ Давлат департаменти Ўзбекистонга «фуқаролик иштироки ривожи» учун ажратилиши керак бўлган 2,5 млн долларлик грантни бекор қилган.

Ушбу қарор доирасида турли мамлакатларга жами 215 миллион долларлик 139 та ташқи ёрдамни ажратиш тўхтатилган.

Хусусан:

5,2 миллион доллар “Media Diversity” (ОАВ хилма-хиллиги) лойиҳасига, жумладан, Буюк Британияда “Get the Trolls Out!” (Тролларни чиқариб ташла!) номли “дезинформацияга қарши кураш дастури”га;
2,5 миллион доллар Ўзбекистонда “фуқаролик иштироки ривожи”га;
2 миллион доллар Молдовада “Янгиликлар хоналарини барқарорлаштириш ва уларни жалб этишни кенгайтириш”га;
1 миллион доллар Бразилияда “фрилансерларга оид ҳуқуқларни йўналтириш”га;
2,4 миллион доллар Беларусда “Ижодий контент орқали дезинформацияга қарши курашиш”га;
1,7 миллион доллар Европада “Тинчлик ва демократия учун мустақил ОАВ”га;
1,5 миллион доллар “Аёллар бошчилигидаги гендерга асосланган адолат ва жавобгарлик ёндашуви”га;
1,7 миллион доллар Болгарияда “BeMediaWise” дастурига;
900 минг доллар Мавританияда “Аёллар бир жойда йиғилиб, ташкил топиши учун жой”га;
750 минг доллар Ливанда “Миграция қилган уй хизматчилари ҳаракатини кучайтириш”га;
740 минг доллар Тунисда феминистик “Сўз эркинлиги ташаббуси”га.

Шунингдек, “бехуда” деб топилган қуйидаги грантлар ҳам бекор қилинди:

Бразилияда «Интернет парчаланишининг олдини олиш» учун 1,4 миллион доллар;
Қирғизистонда “Фуқаролик жамиятининг барқарорлиги ва мослашувини таъминлаш” учун 750 минг доллар;
Шри-Ланкада “Ишончни мустаҳкамлаш ва умидни сақлаб қолиш” учун 1 миллион доллар;
Арманистонда “Демократик маданиятни ривожлантириш” учун 2 миллион доллар.

Koʻrishlar soni: 245