Ўзбекистон март ойида олтин сотиш бўйича дунёда етакчиликни сақлаб қолди, дея хабар берди Жаҳон олтин кенгаши (WGC).

Март ойида жаҳон марказий банкларининг олтин захиралари 17 тоннага ошди. Қимматбаҳо металлни сотиб олиш бўйича Полша 16 тонна билан етакчига айланди ва йиллик масофада соф харидлар 49 тоннани ташкил этди. Кейинги ўринларда Қозоғистон (11 тонна), Хитой (3 тонна), Чехия (2 тонна) ва Туркия (1 тонна) бормоқда.

Ўзбекистон Марказий банки 11 тонна соф олтин сотишни амалга оширди. Биринчи чорак якунларига кўра, мамлакатнинг қимматбаҳо металл бўйича соф савдоси 15 тоннани ташкил этиб, бу кўрсаткич бўйича мутлақ етакчига айланди.

Сотувлар бўйича кучли учликка мос равишда 5 тонна ва 2 тонна қимматбаҳо металл сотуви билан Сингапур ва Қирғизистон ҳам кирди.

Февраль ойида Ўзбекистон 12 тонна қимматбаҳо металлни сотуви билан Қозоғистонни (8 тонна) ортда қолдириб, дунёдаги энг йирик олтин сотувчисига айланганди.

Март ойида Ўзбекистон январдаги танаффусдан сўнг олтин сотишни давом эттириб, 1,84 миллиард долларлик олтин экспорт қилди. Биринчи чорак якунларига кўра, қимматбаҳо метал етказиб бериш ҳажми ўтган йилнинг мос даврига нисбатан 34 фоизга ошиб, 3,57 миллиард долларни ташкил этди.

Бундан ташқари, Марказий банкнинг олтин-валюта захиралари кетма-кет икки ой рекордни янгилаб, 48 миллиард долларга етди. Март ойида халқаро активлар ҳажми 2,91 миллиард доллар, валюта захиралари эса 10 миллиард доллардан ошди. Шу билан бирга, олтин захирасининг тоннажи ва қиймати бироз камайди.