Қозоғистон Республикаси Миллий банки маълумотига кўра, 2025 йил апрел ойида Ўзбекистондан Қозоғистонга юборилган пул ўтказмалари ҳажми 2 миллиард тангани (4,35 миллион доллар) ташкил қилди. Бу март ойидаги кўрсаткичга нисбатан 25 фоизга юқори.

Ўтган ойдаги ўсиш натижасида Ўзбекистон Қозоғистонга трансчегаравий пул ўтказмалари амалга оширувчи етакчи давлатлар қаторига кирди. Мутасаддилар бу ҳолатни меҳнат миграцияси, савдо алоқалари ва иқтисодий муносабатлар кучайиб бораётгани билан изоҳлашмоқда.

Жорий йил апрель ойи мобайнида Қозоғистон халқаро тўлов тизимлари орқали жами 55 минг 300 та пул ўтказмаси қабул қилган. Улар орқали юборилган маблағлар умумий қиймати 19,3 млрд тангани (тақрибан 42 миллион доллар) ташкил этган.

Қозоғистоннинг пул ўтказмалари тўғрисидаги расмий статистикасига кўра, ушбу маблағларнинг катта қисми Ўзбекистон, Россия ва Қирғизистондан келган. Бу эса минтақа давлатлари ўртасидаги иқтисодий интеграциянинг кенгайиб бораётганини кўрсатади.