Ўзбекистонда июнь ойида аҳоли томонидан сезилган инфляция даражаси маълум қилинди
Июнь ойида Ўзбекистон аҳолиси томонидан сезилган инфляция даражаси 13,2 фоизгача пасайди — бу 2024 йилнинг октабр ойидан буён энг паст кўрсаткичдир. Марказий банк сўровномасига кўра, респондентларнинг аксарияти гўшт, сут, электр энергияси, газ, бензин ва ёқилғи нархлари кескин ошганини айтишган.
Июнь ойида аҳоли томонидан сезилган инфляция даражаси 1,1 фоиз бандга пасайиб, 13,4 фоизни ташкил этди, бу ўтган йилнинг октабр ойидан бери энг паст кўрсаткичдир. Бу Ўзбекистон Марказий банкининг ойлик сўровномасидан маълум бўлди.
Нархларнинг ўсиши ҳамон пойтахтда энг кўп сезилмоқда — Тошкентда инфляциянинг ўртача кўрсаткичи 16,2 фоизни ташкил этди (май ойида 18,5 фоиз эди). Ундан кейин Андижон вилояти — 14,3 фоиз (13,7 фоиз) ва Фарғона вилояти — 13,9 фоиз (14,4 фоиз) ўринларни эгаллади. Шкаланинг қуйи қисмида Навоий вилояти — 11,5 фоиз (11,7 фоиз), шунингдек, Қорақалпоғистон ва Хоразм вилояти — ҳар бири 12,2 фоиз (аввал 12,3 фоиз ва 14,4 фоиз эди) кўрсаткичлар билан жойлашган.
Иқтисодиёт тармоқлари бўйича ҳам тафовут сезиларли. Ишлаб чиқариш соҳасида инфляция айниқса, кескин сезилмоқда — 16,5 фоиз, қурилишда — 14,8 фоиз, транспортда — 14,4 фоиз. Туризм (11 фоиз), савдо (11,4 фоиз) ва маиший хизматларда (12,2 фоиз) эса кўрсаткичлар сезиларли даражада паст.
Энг кўп қимматлашадиган нарсалар
Қишнинг сўнгги ойида гўшт ва сут нархи кескин ошганини таъкидлаган респондентларнинг сезиларли улуши сақланиб қолмоқда — 53 фоиз (май ойида 53 фоиз эди).
Кейинги ўринларда газ ва электр энергияси (37 фоиз) ҳамда бензин ва ёқилғи (31 фоиз) тарифлари турибди. Шунингдек, дори-дармонлар (23 фоиз), ўсимлик ёғи (21 фоиз) ва транспорт харажатлари (20 фоиз) ҳам тез-тез тилга олинган. Бир ой ичида шакар ва ширинликлар нархи ошганини сезганлар сони деярли икки баравар кўпайди (21 фоиз). Нон ва гуруч эса энг кам хавотир уйғотади — респондентларнинг атиги 9 фоизи ушбу тоифалардаги нархларнинг ошишини таъкидлаган.
Сўров натижаларига кўра, нархларнинг ўсишини энг кўп ойлик даромади 15 миллион сўмдан юқори бўлганлар сезган — 16,5 фоиз (май ойида 17,4 фоиз эди). 7−10 миллион сўм оралиғида бу кўрсаткич 14,8 фоиз (16,4 фоиз), 10−15 миллион сўм оралиғида эса 14,6 фоиз (16,8 фоиз) бўлган.
Даромади 2 миллион сўмгача бўлган респондентлар 11,8 фоиз (13,6 фоиз), даромадсиз шахслар эса 13,8 фоиз (13,5 фоиз) инфляцияни ҳис этганларини маълум қилишган.
