Ўзбекистонда август ойида аҳоли томонидан сезилган инфляция даражаси маълум қилинди
Августда Ўзбекистон аҳолисининг келгуси 12 ойлик инфляцион кутилмалари ўтган ойга нисбатан 0,7 фоиз бандга пасайиб, 12,2 фоизга тенг бўлди.
Марказий банк сўровномасига кўра, келгусида нархларга оширувчи босим кўрсатиши мумкин бўлган асосий омиллар сифатида валюта курсининг ўзгариши, ёқилғи ва энергия ресурслари ҳамда коммунал хизматларнинг қимматлашишини таъкидлаган аҳоли респондентлари улуши камайган бўлса, озиқ-овқат маҳсулотларининг қимматлашишини қайд этган аҳоли респондентлари улуши ортган.
Тадбиркорлик субъектларининг инфляцион кутилмалари ҳам ўтган ойга нисбатан 0,3 фоиз бандга секинлашиб, 11,8 фоизни ташкил этдиган.
Келгусида нархларга оширувчи босим кўрсатиши мумкин бўлган асосий омиллар сифатида валюта курсининг ўзгариши, коммунал хизматлар, ёқилғи ва энергия ресурслари қимматлашиши ҳамда солиқ юкининг юқорилигини таъкидлаган тадбиркорлар улуши камайган.
Аҳолининг юқори инфляцион кутилмалари илм-фан ва таълим соҳаси вакиллари томонидан билдирилган бўлса, келгусида нархлар шаклланиши бўйича нисбатан паст кутилмалар ташиш хизматлари соҳаси вакиллари томонидан қайд этилган.
Тадбиркорларнинг юқори инфляцион кутилмалари илм-фан ва таълим соҳасида фаолият олиб борадиган корхоналар томонидан қайд этилган бўлса, келгусида нархлар шаклланиши бўйича нисбатан паст кутилмалар ҳунармандчилик соҳасида кузатилган.
