Ўзбекистон Республикаси Марказий банки томонидан CitiBank AS’нинг ваколатхонаси аккредитация қилинди.

Ваколатхона мамлакат молия бозорини ўрганиш ва давлат органлари ҳамда молия ташкилотлари билан ҳамкорликни кенгайтириш мақсадида ташкил этилди.

Маълумот учун, CitiBank AS –CitiBank’нинг (АҚШ) Туркиядаги шуъба банки ҳисобланади. CitiBank – етакчи молия ташкилотларидан бири бўлиб, дунё бўйлаб 180 дан ортиқ мамлакатларда чакана, корпоратив, инвестицион банк хизматлари ҳамда активларни бошқариш хизматларини тақдим қилади.

Эслатиб ўтамиз, 2023 йилнинг кузида Шавкат Мирзиёевнинг Нью-Йоркда Citigroup молиявий корпорацияси раиси Жон Дуган билан учрашувида банк-молия соҳасини ривожлантириш, фонд бозоридаги қимматли қоғозлар жозибадорлиги ва ликвидлигини ошириш учун самарали воситаларни жорий этиш, мамлакат капитал бозорига хорижий инвестицияларни жалб қилиш бўйича ҳамкорлик масалалари муҳокама қилинганди. Президент Cитигроупънинг мамлакатда Cитибанк шуъба банки офисини очиш бўйича режаларини қўллаб-қувватлаган.

Марказий банк реестрига кўра, ҳозирда Ўзбекистонда фаолият юритаётган хорижий банк ваколатхоналари сони 8 тани ташкил этади. Улардан иккитаси Жанубий Корея (Korea Eximbank ва Shinhan Bank), яна иккитаси Германия банкларига (Landensbank Baden-Wurttemberg ва Commerzbank AG) тегишли. АҚШ (JP Morgan Chase ), Россия (Газпромбанк) ва Хитой (Eksimbank) банкларида яна биттадан офис мавжуд.