МБ: Аҳоли омонатлари бўйича фоиз ставкалари кетма-кет учинчи ой пасаймоқда

Қисқа муддатли ҳисобварақлар кам даромадли бўлиб қолмоқда, улар бўйича фоиз ставкаси икки ой ичида атиги 0,1 фоизга — 20,55 фоизгача пасайган.

Марказий банк маълумотларига кўра, банк омонатлари бўйича ўртача фоиз ставкалари нисбатан юқорилигича қолмоқда.

Май ойида муддатли омонатларнинг даромадлилиги 19,8%ни ташкил этиб, ўтган ойга нисбатан 0,3% юқори бўлди. Июнь ойида бироз пасайишига қарамай (19,7%гача), у апрель ойидаги кўрсаткичдан (19,5%) юқорилигича қолмоқда. Бир йилгача бўлган муддатли омонатлар бўйича фоиз ставкалари 18,8%га етди, узоқ муддатли омонатлар бўйича эса 20% даражасида сақланиб қолмоқда.

Жисмоний шахслар учун омонат фоизлари аста-секин пасайишда давом этмоқда. Ўртача даромадлилик кетма-кет икки марта 0,1%га камайганидан сўнг, йиллик энг паст кўрсаткичга — 21,4%га тушди.

Қисқа муддатли ҳисобварақлар кам даромадли бўлиб қолмоқда, улар бўйича фоиз ставкаси икки ой ичида атиги 0,1%га — 20,55%гача пасайган. Бир йилдан ортиқ муддатга мўлжалланган омонатлар бўйича кўрсаткич 2024 йил февралидан бери илк бор 21,5%га тушиб, икки ой давомида 0,3%ни йўқотган.

Корпоратив депозитларнинг даромадлилиги май ойида 0,4%га ошиб, ҳозирги вақтгача йиллик юқори кўрсаткич бўлган 17,9% даражасида сақланиб қолмоқда. Бир йилгача муддатли ҳисоблар бўйича фоиз ставкалари 18%га етди. Узоқ муддатли омонатлар бўйича эса май ойида 18,1%гача (+0,8%) кўтарилиб, июнь ойида 17,8%гача (-0,3%) пасайди.

Хорижий валютадаги омонатлар бўйича ставкалар 4,6%ни ташкил этади — апрель ойидаги даражадан бироз пастроқ. Май ойида улар 0,2%га пасайди, аммо кейин қисқа муддатли ҳисобварақлар бўйича фоизларнинг ошиши (+0,8%) туфайли пасайишни қисман қоплади.

Жисмоний шахслар учун валюта омонатларида энг кучли тебранишлар кузатилди — май ойида ўртача даромадлилик 4,6% (-0,5%) гача пасайди, июнь ойида эса 4,8% гача кўтарилди. Асосий драйвер узоқ муддатли омонатлар бўлиб, улар бўйича мос равишда 4,8% ва 5,1% таклиф этилган.

Бизнес учун депозитлар сегментида нисбий барқарорлик кузатилди. Май ойида ўртача ставка апрель ойидаги даражада (4,3%) сақланиб қолди, июнь ойида эса минимал пасайиш 4,2%гача кузатилди. Шу билан бирга, бир йилдан ортиқ муддатли ҳисобварақлар бўйича ставкалар 5,2%дан 4,4%га тушди.

Koʻrishlar soni: 195