Олтин фьючерслари нархи тарихий максимумни янгилади, бу Инвестинг платформаси маълумотларидан келиб чиқади.
Бир унция нархи биринчи марта $3609 дан ошди, соат 12:36да қимматбаҳо металл нархи бир унция учун $3602,72ни ташкил қилмоқда. Хабар нашр қилинаётган вақтда олтиннинг глобал нархи 1 троя унцияси учун $3601,57 ни ташкил қилди.
Йил бошидан бери олтин АҚШнинг янги президенти Доналд Трампнинг савдо сиёсати ва жаҳон савдосидаги кескинликнинг кучайиши фонида энг даромадли активга айланди. Қимматбаҳо металларга бўлган талаб дунёнинг марказий банклари томонидан сотиб олиниши билан қўллаб-қувватланади.
«Yahoo! Finance» хабар беришича, таҳлилчилар Оқ уйнинг тариф бўйича қарорларини ҳисобга олган ҳолда олтин нархининг янада кўтарилишини кутмоқда. Жумладан, «Masquarie Group» вакили Маркус Гарви олтин нархи айрим ҳолларда $350 0гача етиши мумкинлигини тахмин қилмоқда.
Аввалроқ Citibank 2026 йилда олтин нархи $2500гача пасайиши кутилаётгани ҳақида хабар берганди. Олтин нархи инвестицион талабнинг камайиши, глобал иқтисодий ўсиш яхшилангани ва АҚШ фоиз ставкаларининг камайтирилиши туфайли тушиши мумкин.
