Марказий банк 2025 йил январь сентябрь ойларида ички валюта бозори қандай ўзгарганини таҳлил қилди. Ҳисоб-китобларга кўра, аҳоли тўққиз ойда банкларга 15,2 млрд доллар сотган. Бу кўрсаткич 2024 йил мос даврига нисбатан 1,3 баробарга кўп.

Январь—сентябрда жисмоний шахслар банклардан 8,5 млрд доллар сотиб олган (ўтган йил шу давридагидан 23 фоизга ўсган). Бунда валютага бўлган таклиф ҳажми талабга нисбатан 6,7 млрд долларга ортган. Мазкур рақам 2024 йил тўққиз ойидагидан 1,4 баравар юқори.

Ҳисобот даврида Ўзбекистонга хориждан пул ўтказмалари миқдори 13,9 млрд долларни ташкил этган. Мазкур кўрсаткич 2024 йил январь сентябрдагига қараганда 2,7 млрд долларга (24 фоизга) кўп. Аҳоли банкларга хорижий валюта сотишида мазкур маблағлар асосий манба бўлиб хизмат қилган.

Марказий банкнинг ички валюта бозори шарҳида қайд этилишича, 2025 йил январь–центабр ойларида Ўзбекистонга хориждан келган пул ўтказмалари 13,9 миллиард долларни ташкил этди. Бу ўтган йилнинг шу даврига нисбатан 2,7 миллиард долларга (24 фоиз), 2023 йилга нисбатан эса 5,5 миллиард долларга (+66 фоиз) кўпдир.

Сўм сезиларли мустаҳкамланди

Марказий банк шарҳида жорий йил бошидан бери долларнинг сўмга нисбатан алмашув курси 6,4 фоизга мустаҳкамлангани қайд этилган. Ўз навбатида алмашув курсининг кунлик тебранувчанлик даражаси икки баробарга ошган.

Таҳлил қилинишича, миллий валюта мустаҳкамланишига қатор омиллар таъсир қилган. Масалан, экспорт, хорижий кредитлар ва пул ўтказмалари каналлари орқали валюта оқимлари сезиларли даражада ошган. Шу билан бирга, хорижий инвестициялар ҳажмининг ўсувчи динамикаси, импортнинг маълум даражада барқарорлашган.