Ўзбекистонда бир йилда 15 мингдан зиёд таксичи 100 млн сўмдан ортиқ даромад олди
Мамлакатда йўловчи ташиш айланмаси 9,6 трлн сўмдан ошди. Шундан 6,7 трлн сўм ёки 70,2 фоизи – нақд тўловлардир.
2025 йил якунларига кўра, 224 та такси агрегатори солиқ органлари ахборот тизимлари билан интеграция қилинди, 479 млн марта йўловчи ташиш амалга оширилди, деб хабар берди Солиқ қўмитаси.
Қайд қилинишича, йўловчи ташиш айланмаси 9,6 трлн сўмдан ошди. Шундан 6,7 трлн сўм ёки 70,2 % – нақд тўловлар; 2,8 трлн сўм ёки 29,8% – нақдсиз тўловлар. Битта чек ўртача 20 минг сўмни ташкил этган.
Агрегаторлар орқали йўловчи ташиш билан 574,6 минг ўзини ўзи банд қилган ҳайдовчилар шуғулланган. Ҳайдовчиларнинг ярмидан кўпи (59,1%) 30-50 ёшда – 339 681 киши, 30 ёшгача – 189 547 киши (33%), 50 ёшдан катталар – 45 398 киши (7,9%). Агрегаторлар орқали 4 726 нафар аёл фаолият юритмоқда.
Ўтган йил давомида такси хизматини кўрсатган 15,5 мингга яқин ҳайдовчи 100 млн сўмдан ортиқ даромад олган;
Шунингдек:
- 50-100 млн сўм – 36,9 минг ҳайдовчи;
- 10-50 млн сўм – 143,8 минг ҳайдовчи;
- 5-10 млн сўм – 71,8 минг ҳайдовчи;
- 1-5 млн сўм – 146,7 минг ҳайдовчи;
- 1 млн сўмгача – 159,7 минг ҳайдовчи.
Энг кўп фойдаланилаётган автомобиллар: Cobalt – 23,7%; Nexia – 20,7%; Lacetti – 16,9%. Электромобиллар 1,9% ни ташкил этади.
Агрегаторлар 2025 йилда 128,2 млрд сўм солиқ шундан, 63,6 млрд сўм ҚҚС тўлаган.
