Ўзбекистон банклари уч ойда қанча соф фойда олгани очиқланди
Энг юқори фойда кўрсатган банк — Ипотека-банк бўлди. Ундан кейинги ўринларни Ўзмиллийбанк, Ўзсаноатқурилишбанк, Ҳамкорбанк ва Халқ банки эгаллади.
Марказий банк маълумотларига кўра, 2026 йилнинг биринчи чорагида Ўзбекистондаги банкларнинг соф фойдаси 5,52 трлн сўмни ташкил этди. Бу кўрсаткич 2025 йилнинг мос даврига нисбатан 61,6% га кўп.
1 апрель ҳолатига жами 34 та банкдан учтаси соф фойдасини 300 млрд сўмдан оширган бўлса, ўтган йилнинг худди шу даврини зарар билан якунлаган Ипотека-банк энг кўп соф фойдага чиққан банк бўлди — 846,4 млрд сўм.
Шу пайтгача ушбу рейтингда етакчиликни сақлаб келаётган Ўзмиллийбанк эса 603,2 млрд сўм билан иккинчи поғонадан жой олди. Кучли учликни 550,04 млрд сўм билан Ўзсаноатқурилишбанк якунлади.
Кўплаб маҳаллий банклар давлат тасарруфида бўлиб, улар нафақат тижорат муассасалари сифатида, балки ривожланишга йўналтирилган ташкилотлар сифатида ҳам фаолият юритади. Бу уларнинг давлат томонидан сезиларли даражада қўллаб-қувватланишини билдиради, бу эса соф бозор шароитида уларнинг даромадлилигини холис баҳолашни қийинлаштиради.
Қуйидаги 6 та банк соф фойдасини 300 млрд сўмдан оширган:
- Ипотека-банк — 846,4 млрд сўм;
- Ўзмиллийбанк — 603,2 млрд сўм;
- Ўзсаноатқурилишбанк — 550,04 млрд сўм;
- Ҳамкорбанк — 467,7 млрд сўм;
- Халқ банки — 326 млрд сўм;
- Капиталбанк — 324,9 млрд сўм.
Навбатдаги 11 та банк 100 млрд сўмдан 300 млрд сўмгача соф фойда олган:
- Orient Finance Bank— 265,7 млрд сўм;
- Ipak yuli bank— 234,4 млрд сўм;
- Трастбанк — 232,7 млрд сўм;
- ИнФинБанк — 186,3 млрд сўм;
- Давр банк — 183,6 млрд сўм;
- КДБ Банк — 180,7 млрд сўм;
- Бизнесни ривожлантириш банки — 156,2 млрд сўм;
- Алоқабанк — 117,9 млрд сўм;
- Ациа Аллианcэ Банк — 112,2 млрд сўм;
- Оcтобанк — 108,7 млрд сўм;
- Узум банк — 105,3 млрд сўм.
Кейинги 12 та банк 10 млрд сўмдан 100 млрд сўмгача соф фойда кўрди:
- ТБC Банк — 92,9 млрд сўм;
- Анор банк — 84,1 млрд сўм;
- Универсал банк — 77,8 млрд сўм;
- Apexbank— 56,4 млрд сўм;
- Асакабанк — 46,4 млрд сўм;
- Агробанк — 35,9 млрд сўм;
- Тенге Банк — 33,9 млрд сўм;
- Зираат банк — 26,2 млрд сўм;
- Микрокредитбанк — 17,9 млрд сўм;
- Ҳаёт банк — 14,6 млрд сўм;
- Садерат Банк — 14 млрд сўм;
- Гарант банк — 10,8 млрд сўм.
4 та банк 10 млрд сўмгача фойда олди:
- Туронбанк — 7,5 млрд сўм;
- Mybank— 2,9 млрд сўм;
- Пойтахт Банк — 2,6 млрд сўм;
- Openbank — 1,2 млрд сўм.
