Давлат солиқ қўмитаси Ўзбекистонда жисмоний шахслар 2021 йил қанча мол-мулк ва ер солиғи тўлагани ҳақида маълумот берди.

Ўзбекистонда 2021 йил октябрь ҳолатига кўра:

• Мол-мулк солиғи тўловчиси сифатида 7 443 782 нафар фуқаро ҳисобга олинган. Бу кўрсаткич ўтган йилга нисбатан 202 491 нафарга кўпроқ;
• Ер солиғи тўловчи жисмоний шахслар эса 6 908 455 нафарни ташкил этмоқда. Бу 2020 йилга нисбатан 289 545 нафарга кўпдир.

Шунингдек, 20 октябрь ҳолатига маҳаллий бюджетларга жисмоний шахсларнинг:

• мол-мулк солиғидан 702,4 миллиард сўм;
• ер солиғидан 1 165,2 миллиард сўм келиб тушди.

Жисмоний шахслар томонидан мол-мулк ва ер солиғи тўланиши бўйича энг юқори кўрсаткичлар Хоразм, Навоий ва Тошкент вилоятларида қайд этилган.

Мол-мулк солиғи бўйича имтиёзлардан 1 миллион 111 256 нафар, ер солиғи имтиёзларидан эса 298 124 нафар фуқаро фойдаланаётгани маълум қилинди.