Давлат статистика қўмитаси Ўзбекистон энг кўп карам экспорт қилаётган давлатлар бўйича маълумот берди.
Қайд этилишича, 2022 йилнинг январь-февраль ойларида Ўзбекистон 7 та хорижий мамлакатларга қиймати 9 миллион долларга тенг бўлган 36,1 минг тонна карам экспорт қилган.
Карам экспорти 2021 йилнинг мос даври билан солиштирилганда 19,7 минг тоннага ошган.
Ўзбекистон энг кўп карам экспорт қилган давлатлар:
- Қозоғистон — 27,6 минг тонна;
- Россия — 4,8 минг тонна;
- Қирғизистон — 2,5 минг тонна;
- Беларусь — 859 тонна;
- Украина — 320 тонна.
Маълумот учун, Ўзбекистон бозорларида март ойида карам нархи 850 сўмга ошди.
