Давлат статистика қўмитаси Ўзбекистон энг кўп банан импорт қиладиган давлатлар тўғрисида маълумот берди.
Қайд этилишича, 2022 йилнинг январь-март ойларида Ўзбекистонга 40,2 минг тонна банан импорт қилинган. Банан импорти ҳажми 2021 йилнинг мос даври билан солиштирилганда 24,2 минг тоннага ошган.
2022 йилнинг январь-март ойларида Ўзбекистон энг кўп банан импорт қилган давлатлар:
- Эквадор — 39,6 минг тонна;
- Қозоғистон — 258 тонна;
- Туркия — 197 тонна;
- Ҳиндистон — 61 тонна.
Аввалроқ Ўзбекистон импортида юқори улушга эга бўлган озиқ-овқат маҳсулотлари рейтинги эълон қилинганди.
Давлат статистика қўмитаси маълумотларига кўра, Ўзбекистон 2022 йилнинг январь ойида жами 226 миллион долларга тенг озиқ-овқат маҳсулотларини импорт қилган. Бу 2021 йилнинг мос даврига (199,5 миллион доллар) нисбатан 26,8 фоизга кўпдир.
