Тадбиркор ва инвестор Марк Кьюбан Full Send подкасти меҳмони бўлди ҳамда Tesla ва SpaceX бош директори Илон Маск билан бўлажак фарзандлар бўйича қилган суҳбати ҳақида гапирди. Видео подкастнинг Youtube саҳифасига жойланган.
Кьюбаннинг сўзларига кўра, у навбатдаги марта ота бўлганида Маскка хат ёзган. Марк Маскни табриклаб, ундан яна қанча фарзанд кўришни режалаштираётгани ҳақида сўраган. Маск Кубанга: «Марсга яна одамлар керак», — дея жавоб берган.
Илон Маск 2021 йил ноябрь ойида ўзи асос солган Neuralink компанияси раҳбари Шивон Зилис билан эгизакларнинг ота-онасига айланганди. Маскнинг биринчи турмушидан олти нафар (бири вафот этган), иккинчи турмуши, қўшиқчи Граймдан эса икки нафар фарзанди бор.
Миллиардернинг ҳозирда жами тўққиз нафар фарзанди бор.
Tesla бош директори 2022 йил июль ойи бошида ўз компанияларида ота-оналарга имтиёзларини оширишини эълон қилганди. Маск Ер «аҳолининг камайиши инқирози»га дуч келишига ишончи комил ва бошқа компаниялар ҳам унга эргашишига умид қилмоқда.
