Инвестициялар ва ташқи савдо вазирлиги ҳузуридаги Ўзбекистон техник жиҳатдан тартибга солиш агентлиги бош директорининг 2022 йил 18 ноябрдаги буйруғига биноан Oʻz DSt ISO 21426:2022 (ISO 21426:2018, IDT) «Туризм ва ёндош хизматлар. Санаторий-курортда даволаш. Хизматларга доир талаблар» давлат стандарти тасдиқланди.
Туризм ва маданий мерос вазирлиги матбуот хизматининг хабар беришича, ушбу стандарт табиий шифобахш сувлар (денгиз сувидан ташқари) ва бошқа табиий ресурслардан фойдаланадиган санаторий-курорт муассасаларида сифатли хизматлар кўрсатишга доир талабларни белгилайди.
