Президент ҳузуридаги Статистика агентлиги Ўзбекистоннинг 2022 йил январь-декабрь ойлари бўйича демографик ҳолати ҳақида маълумот берди.

Ўзбекистонга хориждан кўчиб келганлар

Статистика маълумотларига кўра, 2022 йил январь-декабрь ойларида 2,3 минг нафар одам хориждан кўчиб келган бўлса, шундан эркаклар 1,1 минг кишини, аёллар эса 1,2 минг кишини ташкил этди. Бу кўрсаткич 2021 йилга нисбатан 0,4 мингга кўпайган, сўнгги 5 йилда эса сезиларли камайган.

Шунингдек, мамлакатга хорижий давлатлардан кўчиб келганларнинг асосий қисми Россия (жами хориждан кўчиб келганларга нисбатан 35,0 фоиз — 813 киши), Қозоғистон (32,8 фоиз — 761 киши), Тожикистон (6,7 фоиз — 156 киши), Қирғизистон (4,8 фоиз — 111 киши), Туркманистон (1,6 фоиз — 38 киши) ва бошқа мамлакатлар (19,1 фоиз — 443 киши) ҳиссасига тўғри келган.

2022 йил давомида ойлар бўйича тақсимланда энг паст кўрсаткич январь ойида (109 нафар одам хориждан кўчиб келган), энг юқори кўрсаткич эса октябрь ойида (338) қайд этилган.

Ўзбекистондан хорижга кўчиб кетганлар

Маълумотларга кўра, 2022 йил январь-декабрь ойларида 8,8 минг нафар одам хорижга кўчиб кетган бўлса, шундан эркаклар 4,1 минг кишини, аёллар 4,7 минг кишини ташкил этди. Бу кўрсаткич 2021 йилга (20,1 минг киши кўчиб кетган) нисбатан 11,3 мигга камайган  сезиларли камайгани.

Ўзбекистондан хорижий мамлакатларга кўчиб кетганларнинг асосий қисми Қозоғистон (жами 79,5 фоиз — 6985 киши), Россия (16,4 фоиз — 1441 киши), Қирғизистон (0,7 фоиз — 63 киши), Тожикистон (0,5 фоиз — 41 киши), Туркманистон (0,3 фоиз — 24 киши) ва бошқа мамлакатлар (2,6 фоиз — 236 киши) ҳиссасига тўғри келган.

2022 йил давомида ойлар бўйича тақсимланда энг паст кўрсаткич май ойида (66 нафар одам хорижга кўчиб кетган), энг юқори кўрсаткич эса октябрь ойида (3422) қайд этилган.