Янгиликлар 12:00 · 02.12.2025
Энг яхши солиқ тўловчи маҳаллалар 2 млрд сўмгача рағбатлантирилади
iPhone 16 sotib olish uchun O’zbekistonda necha kun ishlash kerak?
Apple’ning iPhone 16 seriyasi sotuvlari 20-sentyabrdan boshlanadi. Ayni paytda O‘zbekistondagi ayrim savdo markazlarida iPhone 16 uchun oldindan to‘lovlar qabul qilinmoqda. Xo‘sh, yangi smartfon O‘zbekistonda necha puldan sotiladi? iPhone 16 sotib olish uchun o‘zbekistonliklar necha kun ishlashi kerak? Kommers.uz shu haqda hikoya qiladi.
Apple kompaniyasi 9-sentyabr kuni iPhone 16 seriyasi taqdimotini oʻtkazdi. Taqdimotda seriyaga qoʻshilgan yangilanishlar, smartfonlarning boshlangʻich narxlari hamda sotuv boshlanadigan sana eʼlon qilindi. Unga koʻra:
- iPhone 16 — 799 AQSH dollaridan 1099 dollargacha;
- iPhone 16 Plus — 899 dollardan 1199 dollargacha;
- iPhone 16 Pro — 999 dollardan 1499 dollargacha;
- iPhone 16 Pro Max — 1199 dollardan 1599 dollargacha boʻladi.
Narxlar eʼlon qilingandan soʻng, bir qancha nashrlar tomonidan dunyoning turli mamlakatlarida iPhone 16 smartfonini sotib olish uchun aholi necha kun ishlashi kerakligi boʻyicha tahlillar eʼlon qilindi.
Shunday tahlillardan birida aytilishicha, shveytsariyaliklar iPhone 16 Pro sotib olish uchun boshqa mamlakatlarga nisbatan eng kam – 4 kun mehnat qilishlari kerak. AQSH aholisiga esa buning uchun oʻrtacha 5,1 kun, Avstraliya va Singapurda 5,7 kun, Lyuksemburgda 6,1 kun, Daniyada 6,7 kun, Birlashgan Arab Amirliklarida esa 7,3 kun kerak boʻladi.
Aksincha, iPhone 16 ga erishish uchun eng uzoq vaqt ishlashga toʻgʻri keladigan davlatlar sifatida Turkiya (72,9 kun), Filippin (68,8 kun), Braziliya (68,6 kun) va boshqalar koʻrsatilgan.
Mazkur roʻyxatdan Markaziy Osiyo va MDHning biror davlati oʻrin olmagan. Ammo natijalarni mustaqil hisoblab chiqish mumkin.
Masalan, Oʻzbekistonda ayni paytda oʻrtacha ish haqi 5,1 million soʻmligini hisobga olsak, oʻzbekistonliklar bir kunda oʻrtacha 170 ming soʻm ishlab topishi maʼlum boʻladi.
Ayni paytda Oʻzbekistondagi ayrim savdo markazlarida iPhone uchun oldindan toʻlovlarni qabul qilish boshlangan. Narxlar esa quyidagicha belgilangan:
- iPhone 16 – 1200 dollardan;
- iPhone 16 Pro – 1700 dollardan;
- iPhone 16 Pro Max – 2050 dollardan.
Dollarning bugungi kursi (12 753,56 so‘m) boʻyicha hisoblaganda, oʻrtacha oʻzbekistonlik iPhone 16 sotib olish uchun 89,8 kun, iPhone 16 Pro uchun 104,8 kun, iPhone 16 Pro Max uchun 127,3 kun ishlashiga toʻgʻri keladi. Sohalar kesimida Oʻzbekistonda iPhone 16 uchun eng kam ishlashi kerak boʻlganlar bank xodimlari (54 kun) boʻlsa, aksincha oʻqituvchilar uchun bunga 225 kun talab etiladi.
Eslatib o‘tamiz, iPhone 16 sotuvlari 20-sentyabr, juma kunidan boshlanadi.
Янгиликлар 10:52 · 02.12.2025
Манбалар: “Humans” қарзлари бўйича вазият кутилганидан оғирроқ
Интервью
«Чўнтагимда 500 доллар қолган эди» — Uber’да ишлайдиган ўзбекистонлик IT-мутахассис билан суҳбат
Зафар Ҳакимов музейлараро экспозициялар алмашиш таклифини билдирди
«Беларусь билан солиштирганда, бу ерда ҳамма нарса энди бошланмоқда» — Тимур Миндаров
«2 млн сўмлик даромадга эга бўлган одамда жамғариш рағбатининг пайдо бўлиши жуда ҳам қийин» — Отабек Бакиров
«Бутун дунёда омонатларни кўпроқ катталар шакллантиради, кредитлардан кўпроқ ёшлар фойдаланади» — Отабек Бакиров
Рейтинг
Ўзбекистон олтин сотиш бўйича дунёда етакчига айланди
Ўзбекистоннинг энг кучли 10 банки рейтинги эълон қилинди
O‘zbekiston pasportining jahon reytingidagi o‘rni o‘zgardi
2024-yilning 9 oyida O‘zbekistondagi qaysi onlayn to‘lov tizimi eng yuqori daromadga erishdi?
O‘zbekistonda tug‘ilish va nikoh kamaydi
Таҳлил
Ўзбекистонликлар қайси банк хизматларидан мамнун ва қайсиларидан норози?
Ўзбекистон банк секторини глобал трансформациялар кутмоқда – таҳлил
Иккиламчи автомобиллар бозорида нархлар тушиши давом этмоқда
Ўзбекистон уй-жой бозори: нархлар барқарорлашмоқда
Кўчмас мулк бозори ўз позициясини мустаҳкамламоқда — таҳлил