O‘zbekistonda 2024 yil sentyabr oyi yakunlariga ko‘ra, inflyatsiya 1,23 foiz darajasida qayd etildi. Statistika agentligi xabariga ko‘ra, yillik inflyatsiya (2023 yil sentyabridan) deyarli o‘zgarmadi — 10,46 foiz (bir oy avval 10,47 foiz edi), yil boshidan (yanvar-sentyabr) esa narxlar o‘rtacha 6,77 foizga oshdi.
Oziq-ovqat mahsulotlari narxlari oy davomida o‘rtacha 1,4 foizga (yillik hisobda — 2,4 foizga o‘sish), nooziq-ovqat mahsulotlari narxi 0,8 foizga (8,4 foiz), pulli xizmatlar narxi 1,5 foizga (28,7 foiz) ko‘tarildi.
Go‘sht narxi yuqori sur’atlarda o‘sishda davom etmoqda: mol go‘shti — 3,1 foizga (avgust oyida — 5,3 foiz), qo‘y go‘shti — 2,8 foizga (avgust oyida — 4,9 foiz) qimmatlashdi. Yil boshidan buyon mol go‘shti narxi 11,3 foizga, qo‘y go‘shti narxi esa 11,9 foizga oshdi.
Dori-darmonlar narxi o‘sishda davom etmoqda, sentyabr oyida u 1,2−1,9 foiz (yil boshidan — 24,7 foiz) oralig‘ida oshdi.
Metan oyiga 0,5 foizga (yil davomida — 35,8 foizga), benzin — 0,2−2,4 foiz oralig‘ida yoki o‘rtacha 0,8 foizga (+13,8 foiz) qimmatlashdi.
Shuningdek, o‘quv yili boshlanishi bilan ijara haqining keskin 5,5%ga oshishi qayd etilgan.
