Statistika qo‘mitasining ma’lum qilishicha, iyun oyida O‘zbekistonda 6 oy ichida ilk bor iste’mol narxlarining pasayishi (deflyatsiya) kuzatilgan.

Bunda iste’mol narxlari 0,24 foizga arzonlashgan bo‘lsa, yillik inflyatsiya 10,6 foiz darajasida saqlanib qolgan. Iqtisodchilar mavsumiy deflyatsiyani meva-sabzavotlar narxining sezilarli darajada pasayishi bilan bog‘lamoqda.

Xususan, oziq-ovqat mahsulotlari narxi iyun oyi davomida 1,8 foizga arzonlashgan. Aksincha, qo‘y go‘shti 1 foiz, mol go‘shti 0,7 foiz hamda guruch 0,7 foizga qimmatlashgan.

Shuningdek, yakunlangan oyda nooziq-ovqat mahsulotlari narxi 0,8 foizga, xizmatlar narxi 0,9 foizga ko‘tarilgan.

Eslatib o‘tamiz, 2024-yil uchun uchun inflyatsiya prognozi 9-11 foiz atrofida bo‘lishi kutilmoqda.