O‘tgan haftada Telegram foydalanuvchilari bir-birlariga “sovg‘alar” – xabar bilan birga bo‘lishi mumkin bo‘lgan animatsion tasvirlarni yuborish imkoniyatiga ega bo‘lishdi. Qabul qiluvchi o‘z profiliga «sovg‘a» qo‘shishi yoki uni «yulduz»dagi narxning bir qismiga almashtirishi mumkin (Telegramdagi yulduzlar – raqamli tovarlar uchun to‘lov uchun ichki valyuta hisoblanadi). Durovning so‘zlariga ko‘ra, ular keyinchalik o‘zgartirilmaydigan tokenlarga (NFT) aylantirilishi mumkin.

Messenjer foydalanuvchilari, shuningdek, xabar yuborilganidan keyin unga media-fayl qo‘shish hamda xabar qachon tahrirlanganini ko‘rish imkoniyatiga ega bo‘lishadi. Platformada kontent yuzasidan shikoyatlar uchun yangi toifalar ham joriy etildi (masalan, “noqonuniy tovarlar”, “shaxsiy maʼlumotlar”, “mualliflik huquqi”, “firibgarlik yoki spam” va boshqalar). Bundan tashqari, iOS’da videochat interfeysi yangilandi.

Sentyabr oyida Durov noqonuniy kontentga oid shikoyatlar uchun @SearchReport bot ishga tushirilishini e’lon qildi. Telegram, shuningdek, “Atrofdagi odamlar” funksiyasini olib tashlashga va uning o‘rniga “tasdiqlangan kompaniyalar”ni ko‘rsatadigan “Yaqin-atrofdagi biznes” funksiyasi bilan almashtirishga qaror qildi.

Eslatib o‘tamiz, Pavel Durov avgust oyida Le Burje aeroportida hibsga olingan va bir necha kundan so‘ng garov evaziga qo‘yib yuborilgandi.